كتب- حسن الإسكندراني:
تداول ناشطون فيديو عبر "يوتيوب" مؤخرا، استعرض إجابة مواطنين عن سؤال: لو انت رئيس جمهورية لمدة يوم هتعمل إيه؟
أحد الشباب علق على السؤال قائلا: حاسرق زّى ماهما بيسرقوا..هما بيسرقوا ازاي ده بينهبوا.
بينما قالت فتاة: هاعمل تطهير لوزارة التعليم وألغي حشو المناهج،وهوفر ميزانية لمستشفيات الحكومة اللي مش واخدة حقها زي المستشفيات الخاصة، فضلا عن رعاية الفقراء المهمشين.
وأجاب آخر قائلا: لو أنا رئيس جمهورية هاعمل تخفيض حقيقي للأسعار مش زي اللى احنا فيه دلوقتي، وهاوفر أسعار السولار والبنزين للمواطنين والعمال والموظفين.
وتابع عجوز قائلا: ندي الفقير حقه اللي هو مهضوم..وأردف: حنشر العدل والسلام والآمان فى البلد..مختتماً حديثه:أكون عادل بين الشعب.
