أكد الدكتور محمد كمال -أحد الأطباء المعتقلين سابقا- تردي الأوضاع الإنسانية والطبية داخل سلخانات العسكر، ومعاناة المعتقلين جراء انعدام الرعاية الصحية وغياب الرقابة على السجون.
وقال كمال -عبر صفحته على فيس بوك-: "لما اتمسكت السنة اللى فاتت اخدونى على قسم المعادى، فى ليلة لقيت الظابط دخل الزنزانة وبيقولى انت مش دكتور تعالى عاوزك، واخدنى ع سلخانة القسم لقيت واحد واقع والمخبرين حوليه وبيصوت بشكل مرعب، قال لى شوف لى نظامه ايه ده.. ماسك بقه وبيصوت بقاله ساعتين! فكشفت لقيت انه عنده كسر ف الفك (الفك انكسر حرفيا مش تعبير مجازى! اتقسم نصين عند منطقة جسم الفك mandibular body fracture with displacement).
وأضاف كمال: "قلت للظابط الوضع، قال لى طب اتصرف علشان ورحمة مي**ين امى ما هو رايح مستشفيات ابن ال**** ده! ثبت له الفك باحبال وخشبة جابوهم ليا! وكتبت له على حقن مسكنات المخبرين جابوها بفلوس الواد .. واخدونى دخلونى الزنزانة تانى.. وشكرا خلاص كده!!".
وتابع قائلا: "الناس اللى ف المعتقلات: كلكم فى المظالم طبعا، لكن انتوا ف نعمة شوية عن الأقسام وسلاخاناتها.. الناس اللى بره: انتوا عايشين ف عالم مختلف (تماما) عن العالم جوه! الموضوع فى أحيان كتيرة مش سلب حرية وبس!
